砌車、寫程式、試飛：用物理完成任務

為 8–14 歲學生設計嘅 3D 工程遊戲。揀零件砌車，再用積木或 Python 寫駕駛程式，睇下摩打、波箱、輪胎、電池、Booster 同 IMU 點樣影響加速、轉彎、飛行同降落。

三個任務各有十關：霓虹賽道（由 A 點駕駛到 B 點，停入終點框）、環牆翻轉（貼牆爬升、倒轉離牆、翻正降落）同飛越車陣（飛過車陣，後段要喺空中翻足 360°）。每關有硬性預算、時限，仲有落雨、載貨、炎熱、側風、頂頭風等條件。零件參考真實車輛數據，揀平啲定強啲，要自己取捨；過關得一粒星，夠慳錢、夠快再加星。

每次測試都會製作影片，列出每個過關條件；未過關會講原因同建議改邊度。成績由伺服器重新計算驗證，再上本班龍虎榜。

呢個係教學用嘅簡化物理模擬，唔係真車測試或安全認證工具。AeroLab 並非任何汽車品牌嘅官方產品。

老師帶領，逐步挑戰

老師建立學生帳戶及查看所屬學生的學習記錄。學生可用用戶名及密碼登入；已有 Google 帳戶並由老師或管理員登記電郵的用戶，亦可使用 Google 登入。

聯絡及帳戶支援：techcompanionhk@gmail.com